نمبر 4 میں سیاسی سرگرمیاں تیز، رانا طارق کے حق میں عوامی رائے سامنے آگئی

میرپورخاص (بیورو چیف: رانا علی اکبر راجپوت)
میروا گورچانی کے وارڈ نمبر 4 میں سیاسی درجہ حرارت بڑھنے لگا ہے، جہاں علاقہ مکینوں کی بڑی تعداد نے رانا طارق کو کونسلر کی نشست پر الیکشن لڑانے کا مطالبہ کر دیا ہے۔ عوامی حلقوں کی جانب سے سامنے آنے والی رائے کے مطابق علاقے کو اس وقت ایک فعال، دیانتدار اور عوامی مسائل سے آگاہ قیادت کی ضرورت ہے۔
شہریوں نے واضح طور پر اپنی رائے دیتے ہوئے کہا ہے کہ “چار نمبر وارڈ کی رائے ہے کہ رانا طارق کو کونسلر کی سیٹ پر الیکشن لڑایا جائے” تاکہ علاقے میں جاری پانی کی قلت، صفائی ستھرائی کی ابتر صورتحال اور دیگر بنیادی مسائل کو مؤثر انداز میں حل کیا جا سکے۔
مقامی ذرائع کے مطابق ماضی میں منتخب نمائندوں کی کارکردگی عوامی توقعات پر پوری نہیں اتر سکی، جس کے باعث شہری اب نئی قیادت کی طرف دیکھ رہے ہیں۔ رانا طارق کے حوالے سے شہریوں کا کہنا ہے کہ وہ ایک متحرک اور عوامی سوچ رکھنے والے فرد ہیں جو مسائل کے حل کے لیے عملی اقدامات کر سکتے ہیں۔
اس سلسلے میں زون انچارج خالد تبسم بھائی اور سیکٹر انچارج میروا گورچانی رانا اسحاق اویسی بھائی سے بھی عوامی اپیل کی گئی ہے کہ وہ رانا طارق کو باضابطہ طور پر کونسلر کی نشست کے لیے نامزد کرانے میں اپنا کردار ادا کریں، تاکہ عوامی خواہشات کے مطابق ایک مضبوط امیدوار میدان میں آ سکے۔
سیاسی تجزیہ کاروں کا ماننا ہے کہ اگر رانا طارق نے باقاعدہ طور پر انتخابی میدان میں قدم رکھا تو وارڈ نمبر 4 میں مقابلہ نہایت دلچسپ اور سخت ہو جائے گا، اور یہ نشست مقامی سیاست کا مرکز بن سکتی ہے۔

Browse Posts

وزیراعظم نے ڈیزل کی قیمت میں بڑی کمی کی منظوری دے دی

ایران کا تمام جہازوں کیلیے آبنائے ہرمز کھولنے کا اعلان

طلاق کے بعد نکاح نامے میں درج رقم اور زیورات سے متعلق عدالت کا بڑا فیصلہ