عوامی خدمت پیپلز پارٹی کے منشور کا بنیادی ستون ہے، فیصل جمالی

صوبائی وزیر برائے لائیو اسٹاک اور پاکستان پیپلز پارٹی کے رہنما سردارزادہ فیصل خان جمالی نے کہا ہے کہ حلقہ انتخاب کی ہمہ جہت ترقی، خوشحالی اور پائیدار امن ان کی اولین ترجیحات میں شامل ہیں، اور وہ اس مقصد کے حصول کے لیے پہلے دن سے سنجیدگی اور تسلسل کے ساتھ عملی اقدامات کر رہے ہیں ان خیالات کا اظہار انہوں نے گوٹھ سردار رستم خان جمالی اوستا محمد میں آ ئی این پی کے نمائندے محمد رفیق پندرانی سے خصوصی گفتگو کرتے ہوئے انہوں نے کہا کہ سردار گھرانہ ہمیشہ سے عوام کے دکھ سکھ میں برابر کا شریک رہا ہے، چاہے وہ اقتدار میں ہوں یا اپوزیشن میں۔ انہوں نے کہا کہ عوامی خدمت پاکستان پیپلز پارٹی کے منشور کا بنیادی ستون ہے، اور وہ بلا تفریق رنگ و نسل ہر شہری کی خدمت کو اپنا قومی و اخلاقی فرض سمجھتے ہیں۔انہوں نے کہا کہ صوبائی حکومت دیگر اضلاع کی طرح ضلع اوستا محمد کی ترقی اور خوشحالی کے لیے ٹھوس اور مو¿ثر اقدامات کر رہی ہے۔ مختلف ترقیاتی منصوبوں پر تیزی سے کام جاری ہے جبکہ ان کے معیار کو یقینی بنانے کے لیے بھی خصوصی توجہ دی جا رہی ہے، تاکہ یہ منصوبے دیرپا ہوں اور عوام کو حقیقی اور مستقل فائدہ پہنچا سکیں۔سردارزادہ فیصل خان جمالی کا کہنا تھا کہ ان کی بھرپور کوشش ہے کہ جاری ترقیاتی کام نہ صرف بروقت مکمل ہوں بلکہ اعلیٰ معیار کے حامل بھی ہوں، تاکہ آنے والے وقتوں میں بھی عوام ان سے مستفید ہوتے رہیں۔آخر میں انہوں نے اس عزم کا اعادہ کیا کہ وہ مستقبل میں بھی عوامی خدمت، علاقے کی ترقی اور خوشحالی کے لیے اپنی جدوجہد پوری دیانتداری اور خلوص کے ساتھ جاری رکھیں گے۔

Browse Posts

ریڑھیوں کیلئے متبادل جگہ مختص کرکے رجسٹریشن کی جائیگی ،شاہزیب کاکڑ

غیر رجسٹرڈ ادارے قانونی حیثیت کھو دیں گے، ڈپٹی کمشنر کوئٹہ مہر اللہ بادینی

منافع خوروں کیخلاف سخت کارروائیاں کی جائیں،ڈی سی کوئٹہ