صوبائی حکومت نے کل عام تعطیل کا اعلان کردیا

حکومت بلوچستان نے 19 مارچ بروز جمعرات کو صوبہ بھر میں عام تعطیل کا اعلان کر دیا ہے۔

جاری اعلامیے کے مطابق اس روز تمام سرکاری اور نجی ادارے بند رہیں گے۔

یاد رہے کہ وفاقی حکومت کی جانب سے عیدالفطر کے موقع پر 20 اور 21 مارچ کو سرکاری تعطیلات کا اعلان کیا جا چکا ہے، جو جمعہ اور ہفتہ کے دنوں پر مشتمل ہوں گی۔ یہ تعطیلات پانچ اور چھ دن کام کرنے والے تمام سرکاری دفاتر پر لاگو ہوں گی۔

اس طرح سرکاری ملازمین کو عیدالفطر کے موقع پر مجموعی طور پر چار چھٹیاں میسر آئیں گی، کیونکہ 22 مارچ بروز اتوار پہلے ہی عام تعطیل ہے جبکہ 23 مارچ کو یومِ پاکستان کے باعث مزید سرکاری چھٹی ہوگی۔