عید کے چاند سے متعلق اسلام آباد ہائیکورٹ میں درخواست، شہری نے کیا مطالبہ کردیا؟

اسلام آباد ہائی کورٹ میں عید کے چاند کے فوری اعلان کے لیے دائر درخواست پر سماعت ہوئی، جس میں چیف جسٹس سرفراز ڈوگر نے ریمارکس دیے کہ چاند صرف نظر آنے پر ہی اعلان کیا جا سکتا ہے۔

عدالت نے وزارت مذہبی امور سے رپورٹ طلب کی اور کہا کہ پہلے چاند کی شہادتیں چاروں صوبوں سے جمع کی جاتی ہیں، پھر کمیٹی میٹنگ کے بعد فیصلہ کیا جاتا ہے، اسی لیے اعلان میں وقت لگتا ہے۔

Browse Posts

وزیراعظم نے ڈیزل کی قیمت میں بڑی کمی کی منظوری دے دی

ایران کا تمام جہازوں کیلیے آبنائے ہرمز کھولنے کا اعلان

طلاق کے بعد نکاح نامے میں درج رقم اور زیورات سے متعلق عدالت کا بڑا فیصلہ

درخواست گزار شہری عبد اللہ شفیق نے استدعا کی کہ رویت ہلال کمیٹی کو ہدایت دی جائے کہ چاند کا اعلان جلدی کیا جائے تاکہ تراویح اور عید شاپنگ کے دوران لوگوں کی مشکلات کم ہوں، اور انتظامیہ لا اینڈ آرڈر کے مسائل سے بچ سکے۔

چیف جسٹس نے واضح کیا کہ چاند دیکھے بغیر کوئی اعلان ممکن نہیں، لہٰذا رپورٹ طلب کر لی گئی ہے اور سماعت ملتوی کر دی گئی۔ آئندہ سماعت کی تاریخ ابھی مقرر نہیں کی گئی۔