اسرائیلی وزیر دفاع کا ایران کے سیکیورٹی چیف علی لاریجانی کو شہید کرنے کا دعویٰ

تل ابیب (ویب ڈیسک) – اسرائیل کے وزیر دفاع اسرائیل کاٹز نے دعویٰ کیا ہے کہ ایران کے سیکیورٹی چیف علی لاریجانی ایک کارروائی میں شہید ہو گئے ہیں۔

اسرائیلی حکام کے مطابق یہ کارروائی حالیہ حملوں کے دوران انجام دی گئی، تاہم اس حوالے سے مزید تفصیلات فوری طور پر سامنے نہیں آئیں۔

دوسری جانب ایران کی طرف سے ابھی تک کوئی باضابطہ ردعمل نہیں آیا، جس کی وجہ سے اس خبر کی آزاد ذرائع سے تصدیق ممکن نہیں ہو سکی۔

یاد رہے کہ ایران اور اسرائیل کے درمیان جاری کشیدگی کے دوران اس نوعیت کے دعوے وقتاً فوقتاً سامنے آتے رہے ہیں، جن کی تصدیق بعد میں مختلف ذرائع سے ہوتی رہی ہے۔