بلوچستان حکومت کا بڑا کفایت شعاری پیکج، 800 آسامیاں ختم

بلوچستان حکومت کا بڑا کفایت شعاری پیکج، اخراجات کم کرنے کے لیے اہم فیصلے

Mir Sarfraz Bugti کی زیر صدارت صوبائی کابینہ کے خصوصی اجلاس میں بلوچستان میں سرکاری اخراجات کم کرنے کے لیے بڑے کفایت شعاری اقدامات کی منظوری دے دی گئی۔ اجلاس میں Balochistan کے گورنر، اسپیکر صوبائی اسمبلی اور اتحادی جماعتوں کے پارلیمانی لیڈرز نے بھی خصوصی شرکت کی۔

Browse Posts

راولپنڈی میں امن مذاکرات کے باعث ٹرانسپورٹ معطلی کا فیصلہ

ایران کے ساتھ ایک یا دو دن میں معاہدہ طے پانے کا امکان ہے، ٹرمپ کا بڑا دعویٰ

آبنائے ہرمز بدستور بند، امریکا کے ساتھ مذاکرات کی کوئی تاریخ طے نہیں ہے، ایران کا اعلان

کابینہ اجلاس میں فیصلہ کیا گیا کہ کفایت شعاری مہم کا آغاز چیف منسٹر سیکرٹریٹ سے کیا جائے گا اور تقریباً آٹھ سو غیر ضروری آسامیاں ختم کر دی گئی ہیں۔ حکومت نے سرکاری اخراجات اور ایندھن کے استعمال میں کمی کے لیے جامع پالیسی نافذ کرنے کا بھی اعلان کیا ہے۔

فیصلوں کے مطابق صوبائی وزراء، مشیران اور پارلیمانی سیکرٹریز دو ماہ کی تنخواہ نہیں لیں گے جبکہ ارکان صوبائی اسمبلی کی تنخواہوں میں 25 فیصد رضاکارانہ کٹوتی کی منظوری دی گئی ہے۔ اسی طرح گریڈ 20 اور اس سے اوپر کے اعلیٰ افسران بھی دو دن کی تنخواہ قومی خزانے میں رضاکارانہ طور پر جمع کرائیں گے۔

کابینہ نے فیصلہ کیا کہ صحت اور تعلیم کے شعبوں کے ملازمین کو تنخواہوں کی کٹوتی سے مستثنیٰ رکھا جائے گا۔ اس کے علاوہ سرکاری اجلاس زیادہ تر ویڈیو لنک کے ذریعے منعقد کیے جائیں گے تاکہ غیر ضروری سفری اخراجات کم کیے جا سکیں۔

کابینہ نے غیر ملکی وفود کے علاوہ سرکاری عشائیوں پر پابندی عائد کر دی جبکہ سیمینارز اور ٹریننگز کے انعقاد کے لیے پیشگی اجازت لازمی قرار دے دی گئی ہے۔

فیصلے کے مطابق سرکاری دفاتر میں چار روزہ ورک ویک متعارف کرایا جائے گا اور پچاس فیصد عملہ گھر سے کام کرے گا۔ حکومت نے نجی شعبے کو بھی آدھا عملہ گھر سے کام کروانے اور چار روزہ دفتری ہفتہ اپنانے کی تجویز دی ہے۔

صوبائی کابینہ نے صوبے کے تمام تعلیمی اداروں میں 23 مارچ 2026 تک بہار کی تعطیلات کا اعلان بھی کیا ہے، تاہم امتحانات اپنے مقررہ شیڈول کے مطابق جاری رہیں گے۔

کابینہ اجلاس میں یہ بھی فیصلہ کیا گیا کہ شادی بیاہ کی تقریبات میں مہمانوں کی تعداد 200 تک محدود ہوگی اور صرف ایک ڈش کی اجازت دی جائے گی۔ ہائی ویز پر گاڑیوں کی رفتار 65 سے 80 کلومیٹر فی گھنٹہ رکھنے کی ہدایت بھی جاری کی گئی ہے۔

وزیراعلیٰ بلوچستان میر سرفراز بگٹی نے اجلاس سے خطاب کرتے ہوئے کہا کہ مشکل معاشی حالات میں حکومت نے خود مثال قائم کی ہے اور قومی وسائل کے ضیاع کی کوئی گنجائش نہیں۔ انہوں نے تمام اداروں کو کفایت شعاری پالیسی پر سختی سے عمل کرنے کی ہدایت کی۔