طارق رحمان نے بطور وزیراعظم بنگلادیش عہدے کا حلف اٹھالیا

بنگلادیش کے حالیہ انتخابات میں کامیابی حاصل کرنے والے بی این پی کے سربراہ طارق رحمان نے بطور وزیراعظم عہدے کا حلف اٹھا لیا۔

طارق رحمان کی بطور ویراعظم تقریب حلف برداری میں پاکستان کے وزیر منصوبہ بندی احسن اقبال سمیت مختلف ممالک کے مندوبین بھی شریک تھے۔

12 فروری 2026 کو ہونے والے انتخابات میں بنگلادیش نیشنلسٹ پارٹی (بی این پی) 209 نشستیں جیت کر سب سے بڑی سیاسی جماعت کے طور پر سامنے آئی تھی جبکہ جماعت اسلامی اور اتحادیوں کو 77 نشستوں پر کامیابی ملی تھی۔

یاد رہے کہ اگست 2024 میں بنگلادیش کی سابق وزیراعظم شیخ حسینہ واجد شدید عوامی احتجاج کے باعث استعفیٰ دیکر بھارت فرار ہو گئی تھیں جس کے بعد ملک کی باگ دوڑ نوبیل انعام یافتہ معاشی ماہر ڈاکٹر محمد یونس کے سپرد کر دی گئی تھی۔

طارق رحمان نے بطور وزیراعظم بنگلادیش عہدے کا حلف اٹھالیا