چاغی بازار میں حجام کی دکان پر نامعلوم افراد کی فائرنگ، 1 شخص جاں بحق، 2 زخمی

چاغی بازار میں نامعلوم مسلح افراد نے ایک حجام کی دکان میں گھس کر فائرنگ کر دی، جس کے نتیجے میں ایک شخص جاں بحق جبکہ 2 افراد شدید زخمی ہو گئے۔چاغی پولیس ذرائع کے مطابق مسلح افراد کی فائرنگ سے دکان میں موجود افراد نشانہ بنے۔ واقعے میں جاں بحق ہونے والے شخص اور ایک زخمی کا تعلق چاغی سے ہے، جبکہ دوسرے زخمی شخص کا تعلق ڈیرہ مراد جمالی سے بتایا گیا ہے۔واقعے کی اطلاع ملتے ہی پولیس نے موقع پر پہنچ کر لاش اور زخمیوں کو فوری طور پر ہسپتال منتقل کیا اور علاقے کو گھیرے میں لے کر تفتیش شروع کر دی ہے۔ فائرنگ کی وجوہات تاحال معلوم نہیں ہو سکیں، جبکہ حملے کے بعد ملزمان موقع سے فرار ہونے میں کامیاب ہو گئے۔