ڈیرہ بگٹی میں کچی کینال کے قریب بارودی سرنگ کا دھماکہ، 1 شخص جاں بحق

ڈیرہ بگٹی میں کچی کینال 12 نمبر شاخ کے قریب بارودی سرنگ کے دھماکے میں ایک شخص جاں بحق ہو گیا ہے۔ذرائع کے مطابق نامعلوم عناصر کی جانب سے کچی کینال کے قریب سڑک کنار نصب کی گئی بارودی سرنگ دھماکے سے پھٹ گئی، جس کی زد میں آ کر ایک شخص موقع پر ہی جاں بحق ہو گیا۔واقعے کی اطلاع ملتے ہی سیکورٹی فورسز اور امدادی ٹیمیں موقع پر پہنچ گئیں اور جاں بحق ہونے والے شخص کی لاش کو تحویل میں لے کر ہسپتال منتقل کر دیا۔ فورسز نے علاقے کو گھیرے میں لے کر شواہد اکٹھے کرنے کے ساتھ ساتھ ملزمان کی تلاش کے لیے سرچ آپریشن کا آغاز کر دیا ہے۔