بھاگناڑی میں دو قبائل کے مابین پرانی رنجش پر فائرنگ، 3 افراد جاں بحق، 3 شدید زخمی

بھاگناڑی کے علاقے گوٹھ آدمیانی پہوڑ میں دو مختلف قبائل کے درمیان پرانی رنجش کی بنا پر خونریز تصادم کے نتیجے میں 3 افراد جاں بحق جبکہ 3 افراد شدید زخمی ہو گئے ہیں۔تفصیلات کے مطابق گوٹھ آدمیانی پہوڑ میں پہوڑ اور حاجیجہ مغیری برادری کے مابین دیرینہ تنازعے پر اچانک فائرنگ کا تبادلہ شروع ہو گیا۔ فائرنگ کے نتیجے میں دونوں جانب سے 3 افراد موقع پر ہی دم توڑ گئے جبکہ 3 دیگر افراد گولی لگنے سے شدید زخمی ہوئے۔واقعے کی اطلاع ملتے ہی مقامی پولیس نے موقع پر پہنچ کر صورتحال کو کنٹرول میں لیا اور لاشوں و زخمیوں کو فوری طور پر ہسپتال منتقل کیا۔ پولیس نے علاقے کو گھیرے میں لے کر مزید بدامنی کو روکنے کے لیے اقدامات شروع کر دیے ہیں جبکہ واقعے کی تفتیش جاری ہے۔