ایک سال میں قوم پر واجب الادا قرض میں 6210 ارب روپے کا اضافہ

اسلام آباد: پاکستان کے مجموعی سرکاری اور حکومتی ضمانتوں کے حامل قرضوں میں جون 2025 سے جون 2026 کے دوران 6 ہزار 210 ارب روپے کا اضافہ ریکارڈ کیا گیا ہے۔

وزارت خزانہ کے ایک اعلیٰ عہدیدار کے مطابق اس عرصے میں سرکاری قرضوں میں تقریباً 6 ہزار 200 ارب روپے جبکہ حکومتی ضمانتوں کے حامل قرضوں میں تقریباً 100 ارب روپے کا اضافہ ہوا۔

اس اضافے کے بعد مجموعی قرضوں کا حجم 847.7 کھرب روپے سے بڑھ کر 909.8 کھرب روپے ہوگیا، جو ایک سال کے دوران 7.3 فیصد اضافہ ظاہر کرتا ہے۔

تاہم مجموعی قرضوں میں اضافے کے باوجود جی ڈی پی کے مقابلے میں قرضوں کا تناسب کم ہوا ہے۔ جون 2025 میں یہ شرح 74.3 فیصد تھی، جو جون 2026 کے اختتام تک کم ہو کر 71.7 فیصد رہ گئی۔