نواں کلی کوئٹہ میں ریورنڈ برکت میموریل کرسچن قبرستان کی سالانہ دعائیہ تقریب، مرحومین کے لیے خصوصی دعا

نواں کلی کوئٹہ کے ریورنڈ برکت میموریل کرسچن قبرستان میں سالانہ دعائیہ تقریب، مرحومین کے لیے خصوصی دعا

ولیم برکت کی مسیحی برادری کے لیے خدمات قابلِ تحسین ہیں، گریگری انوسینٹ

کوئٹہ (اسپیشل رپورٹر) ریورنڈ برکت میموریل کرسچن قبرستان، نواں کلی کوئٹہ میں سالانہ دعائیہ تقریب منعقد ہوئی، جس میں مذہبی رہنماؤں، مسیحی برادری کی معزز شخصیات اور مختلف علاقوں سے تعلق رکھنے والے افراد نے شرکت کی۔ تقریب میں محترم بشپ ولسن فضل، ریورنڈ فادر ایمانوئل مشتاق (OFM)، ریورنڈ فادر تعظیم ساغر (OFM)، پاسٹر عمران، پاسٹر طاہر اور جمعیت علمائے اسلام پاکستان کے اقلیتی امور کے رہنما گریگری انوسنٹ سمیت دیگر شخصیات شریک ہوئیں۔
تقریب سے خطاب کرتے ہوئے گریگری انوسنٹ نے سابق رکن صوبائی اسمبلی حکومتِ بلوچستان ولیم برکت کا شکریہ ادا کیا اور کہا کہ یہ ایک مسلمہ حقیقت ہے کہ جو بھی اس دنیا میں آیا ہے، اسے ایک دن دنیا سے رخصت ہونا ہے۔ انہوں نے کہا کہ ولیم برکت نے مسیحی برادری کے لیے آخری آرام گاہ کا انتظام کیا، جس پر وہ اور آنے والی نسلیں ہمیشہ ان کی شکر گزار رہیں گی۔ مسیحی برادری کے لیے ان کی یہ خدمت قابلِ قدر ہے۔