سردیوں میں ایل این جی کے 18 کارگوز خریدنے کا ہدف مقرر

سردیوں میں گیس کی بڑھتی ہوئی طلب پوری کرنے کے لیے ایل این جی کے 18 کارگوز خریدنے کا ہدف مقرر کیا گیا ہے، جبکہ قطر سے نسبتاً سستی ایل این جی درآمد کرنے کو ترجیح دی جائے گی۔

ذرائع پیٹرولیم ڈویژن کے مطابق ملک بھر میں سوئی ناردرن اور سوئی سدرن کو مجموعی طور پر ایک ارب 40 کروڑ مکعب فٹ مقامی گیس دستیاب ہے، تاہم سردیوں میں صرف پنجاب کی گیس کی ضرورت ایک ارب مکعب فٹ تک پہنچنے کا خدشہ ہے۔

ذرائع کا کہنا ہے کہ ایل این جی کی اسپاٹ خریداری کے لیے 30 ڈالر فی ملین برٹش تھرمل یونٹ (ایم ایم بی ٹی یو) قیمت آخری حد ہوسکتی ہے۔

گیس کی بڑھتی ہوئی طلب کے پیش نظر ایل این جی کی درآمد کے انتظامات کیے جا رہے ہیں تاکہ سردیوں میں ضروریات پوری کرنے میں مدد مل سکے۔