فرائض میں غفلت برتنے والے ڈاکٹرز اور عملے کے خلاف سخت کارروائی ہوگی، ڈپٹی کمشنر حب

ڈپٹی کمشنر حب کا سول اسپتال کا اچانک رات گئے دورہ، طبی سہولیات کا تفصیلی جائزہ شہریوں کو بہترین طبی سہولیات کی فراہمی انتظامیہ اور حکومت کی اولین ترجیح ہے فرائض میں غفلت برتنے والے ڈاکٹرز اور عملہ کے خلاف شخت کارروائی کی جائے گی۔ ڈپٹی کمشنر حب
تفصیلات کے مطابق
ڈپٹی کمشنر حب جمعہ داد مندوخیل نے رات گئے سول اسپتال حب کا اچانک دورہ کیا، جہاں انہوں نے مختلف شعبہ جات، ایمرجنسی وارڈ اور وینٹی لیٹر وارڈ کا معائنہ کرتے ہوئے مریضوں کو فراہم کی جانے والی طبی سہولیات کا تفصیلی جائزہ لیا۔

دورے کے دوران ڈپٹی کمشنر حب نے زیرِ علاج مریضوں سے ملاقات کی اور ان سے طبی سہولیات اور درپیش مسائل کے بارے میں دریافت کیا۔ انہوں نے ڈیوٹی پر موجود ڈاکٹرز اور طبی عملے سے بھی ملاقات کرکے ان کے مسائل سنے اور ان کے حل کے لیے ہر ممکن تعاون کی یقین دہانی کرائی۔

اس موقع پر بلڈ بینک کی سہولیات اور فعالیت کا بھی جائزہ لیا گیا، تاکہ مریضوں کو بروقت خون اور دیگر ضروری طبی سہولیات کی فراہمی یقینی بنائی جا سکے۔

ڈپٹی کمشنر حب نے واضح کیا کہ ڈسٹرکٹ ایڈمنسٹریشن حب سرکاری اسپتالوں کی کارکردگی، طبی سہولیات کے معیار اور عوام کو بروقت علاج کی فراہمی پر کڑی نظر رکھے ہوئے ہے۔ عوام کو بہتر طبی سہولیات کی فراہمی میں غفلت اور کوتاہی کو برداشت نہیں کیا جائے گا۔