نوڈیرو میں بلاول بھٹو زرداری کی سالگرہ کی پروقار تقریب، فریال تالپور کی شرکت

نؤڈیرو (رپورٹ:عابد بھٹو) پاکستان پیپلزپارٹی کے چیئرمین بلاول بھٹو زرداری کی سالگرہ کی پروقار تقریب بھٹو ہاؤس نوڈیرو پر منائی گئی۔ تقریب کے مہمانِ خصوصی پاکستان پیپلز پارٹی لیڈیز ونگ کی مرکزی صدر فریال تالپور تھیں۔
تقریب میں ضلع لاڑکانہ کے صدر ایم این اے خورشید احمد جونیجو، ڈسٹرکٹ کونسل لاڑکانہ کے چیئرمین ،و جنرل سیکرٹری اعجاز احمد لغاری،ایڈووکیٹ دیدار علی بھٹو،سید ارشد شاھ،محمد انور برڑو،سرفراز میرانی،ممتاز چھواں، زاہد جلبانی اور دیگر سینئر رہنماؤں نے شرکت کیا اس کے بعد چیئرمین بلاول بھٹو زرداری کی سالگرہ کا کیک کاٹا گیا۔ اس موقع پر کارکنان نے زندہ ہے بھٹو زندہ ہے اور جئے بلاول کے فلک شگاف نعرے لگائے اور چیئرمین بلاول بھٹو زرداری کی درازی عمر، صحت و سلامتی اور ملک و قوم کی ترقی و خوشحالی کے لیے خصوصی دعائیں مانگی گئیں، جبکہ آئے ہوئے مہمانوں میں مٹھائی بھی تقسیم کی گئی۔