مستونگ میں سیکیورٹی فورسز کی کامیاب کارروائی؛ کمانڈر نقیب سمیت 3 دہشتگرد ہلاک

مستونگ میں سیکیورٹی فورسز نے کارروائی کرتے ہوئے کمانڈر نقیب سمیت 3 دہشتگردوں کو ہلاک کردیا۔

سیکیورٹی ذرائع کے مطابق بلوچستان میں فتنۃ الہندوستان کے خلاف کارروائیاں جاری ہیں۔ اسی سلسلے میں ضلع مستونگ میں بھی سیکیورٹی فورسز نے کارروائی کی۔

ذرائع کا کہنا ہے کہ کارروائی کے دوران فتنۃ الہندوستان کے دہشتگردوں کی گاڑی کو کواڈ کاپٹر کے ذریعے نشانہ بنایا گیا، جس کے نتیجے میں گاڑی میں سوار 3 دہشتگرد ہلاک ہوگئے۔

سیکیورٹی ذرائع کے مطابق کارروائی میں دہشتگردوں کی گاڑی مکمل طور پر تباہ ہوگئی۔ ہلاک ہونے والوں میں کمانڈر نقیب بھی شامل ہے۔

سیکیورٹی فورسز نے واضح کیا ہے کہ دہشتگردی کے خاتمے کے لیے کارروائیاں جاری رہیں گی اور ملک میں امن و امان کو نقصان پہنچانے والے عناصر کے خلاف مؤثر اقدامات کیے جارہے ہیں۔