پولیس کے ساتھ ہر محاذ پر کھڑا ہوں گا، مورچے میں بھی ساتھ دوں گا،وزیراعلیٰ بلوچستان

وزیراعلیٰ بلوچستان میر سرفراز بگٹی نے کہا ہے کہ کوئی یہ نہ سمجھے کہ وہ دباؤ میں آکر پیچھے ہٹ جائیں گے، اگر پاکستان کے لیے ان کا خون بھی بہے تو وہ اس کے لیے تیار ہیں۔

اپنے بیان میں وزیراعلیٰ بلوچستان نے کہا کہ وہ ایسے وزیراعلیٰ نہیں جو بند کمروں میں بیٹھے رہیں، بلکہ وہ ہر محاذ پر اپنے نوجوانوں کے ساتھ شانہ بشانہ کھڑے ہوں گے۔

میر سرفراز بگٹی نے کہا کہ صوبے کے امن، ترقی اور عوام کے تحفظ کے لیے تمام ممکن اقدامات کیے جائیں گے اور وہ اپنی ذمہ داریاں پوری عزم کے ساتھ نبھاتے رہیں گے۔