وزیراعلیٰ سرفراز بگٹی کے دورہ زیارت پر شٹر ڈاؤن ہڑتال، آل پارٹیز کا احتجاج

زیارت: وزیراعلیٰ بلوچستان میر سرفراز بگٹی آل پارٹیز کی دعوت پر زیارت پہنچ گئے، تاہم ان کے دورے کے موقع پر آل پارٹیز کی جانب سے شٹر ڈاؤن ہڑتال کا اعلان کیا گیا۔

ہڑتال کے باعث زیارت شہر کے تمام تجارتی مراکز مکمل طور پر بند رہے، جبکہ آل پارٹیز نے آج کے دن کو یوم سیاہ کے طور پر منانے کا اعلان کیا۔

اس موقع پر سیاسی جماعتوں کے کارکنوں اور رہنماؤں نے سیاہ جھنڈے اٹھا رکھے تھے اور مختلف نعرے بھی لگائے گئے۔

مظاہرین نے دہشتگردی کے خلاف نعرے بازی کرتے ہوئے امن و امان کی صورتحال پر اپنے تحفظات کا اظہار کیا۔