کوئٹہ ایئرپورٹ روڈ پر نجی ہوٹل میں آتشزدگی، فائر بریگیڈ نے قابو پالیا

کوئٹہ: ایئرپورٹ روڈ پر واقع ایک نجی ہوٹل میں اچانک آگ بھڑک اٹھی، تاہم میٹروپولیٹن فائر بریگیڈ کے عملے نے بروقت کارروائی کرتے ہوئے آگ پر قابو پالیا اور اسے مزید پھیلنے سے روک دیا۔

فائر بریگیڈ حکام کے مطابق اطلاع ملتے ہی امدادی ٹیمیں موقع پر پہنچیں اور فوری اقدامات کرتے ہوئے آگ کو قابو میں کرلیا۔ فائر فائٹرز کی بروقت کارروائی کے باعث ہوٹل کی دیگر املاک اور اطراف میں موجود آبادی کو محفوظ رکھا گیا۔

ابتدائی اطلاعات کے مطابق واقعے میں کسی قسم کا جانی نقصان نہیں ہوا، جبکہ مالی نقصان بھی محدود بتایا جا رہا ہے۔

ڈائریکٹر فائر سروسز عبد الحق خان اچکزئی نے بتایا کہ فائر بریگیڈ کے عملے نے فوری رسپانس دے کر صورتحال کو مزید خراب ہونے سے بچایا۔