پریس کلب وفد کی ایم ایس ڈاکٹر منصور کھوسہ سے ملاقات

گنداواہ(رپورٹ شیر احمد ساسولی نمائندہ صحافت)
گنداواہ کے ڈسٹرکٹ ہیڈکوارٹر (ڈی ایچ کیو) ہسپتال میں عوام کو معیاری طبی سہولیات کی فراہمی اور ہسپتال میں جاری اصلاحاتی اقدامات کے حوالے سے میر یوسف عزیز مگسی پریس کلب کے عہدیداران نے میڈیکل سپرنٹنڈنٹ (ایم ایس) ڈاکٹر منصور احمد کھوسہ سے ملاقات کی۔ اس موقع پر سینئر فزیشن ڈاکٹر عبدالرازق آرائیں سمیت دیگر طبی افسران اور ہسپتال کا عملہ بھی موجود تھا۔
ملاقات کے دوران وفد کو ڈی ایچ کیو ہسپتال میں قائم ٹراما سینٹر کی فعالیت،آئی سی یو واڈ اور ایمرجنسی طبی سہولیات، ادویات کی دستیابی، مریضوں کو فراہم کی جانے والی سہولیات اور ہسپتال کی مجموعی کارکردگی کے بارے میں تفصیلی بریفنگ دی گئی۔