ڈیگاری ہائی اسکول کے طلبہ پینے کے پانی سے محروم،ہیڈماسٹر پر کرپشن اور بدانتظامی کے سنگین الزامات

کوٸٹہ(عزیز مری) گورنمنٹ ماٸنز ہاٸی سکول ڈیگاری میں نالاٸق کرپٹ ہیڈماسٹر کی تعیناتی کی وجہ سے سکول کے سیکڑوں بچے پینے کے پانی سے محروم سکول کی کرسیاں چھٹاٸیاں تک اپنے گھر لے گٸے اساتذہ کے منع کرنے پر اساتذہ کے خلاف کارواٸی کی گٸی۔تفصیلات کے مطابق گورنمنٹ ماٸنز ہاٸی اسکول ڈیگاری کوٸٹہ میں گزشتہ ایک سال سے ایک ایسے ہیڈماسٹر کو تعینات کیا گیا ہے جو دو لاکھ کے لگ بھگ تنخواہ لینے کے باوجود اسکول کے بچوں کے لیے پینے کے پانی کے لیے دیٸے گٸے پیسے بھی اپنی جیب میں ڈال دیتے ہیں جسکی وجہ سے جون جولاٸی کے گرم ترین مہنیوں میں بچے پینے کے پانی سے محروم ہیں گزشتہ ایک سال سے مختلف بہانوں سے سکول کا فرنیچر کرسیاں،پنکھے اور بچوں کے بیٹھنے کے لیے دیٸے گٸے چھٹاٸی واٹر کولر تک گھر لے گٸے سکول کے اساتذہ اگر منع کریں تو الٹا انھیں بلک میل کرکے انکے خلاف کارواٸی کرتے ہیں ڈیگاری کے سیاسی سماجی قباٸلی عوامی حلقوں نے سیکرٹیری ماٸنز ۔ قومی احتساب بیورو بلوچستان اور صوباٸی محتسب سے اپیل کی ہے کہ ماٸنز لیبر ویلفٸیر ہاٸی اسکول ڈیگاری کوٸٹہ کے تعینات ہیڈ ماسٹر کے خلاف فوری کارواٸی کی جاٸے۔