مچھلی کے تالاب کے تنازع پر تصادم، ایک شخص قتل، 7 زخمی

نوڈیرو (رپورٹ:عابد بھٹو)
نوڈیرو کے قریب کچے کے علاقے میں میربحر برادری کے دو گروپوں میں جھگڑا، 1 شخص قتل، 7 زخمی ،تفصیل کے مطابق
نوڈیرو کے قریب کچے کے علاقے کیٹی ممتاز تھانے کی حدود میں میربحر برادری کے دو گروپوں کے درمیان مچھلی کے تالاب کے ٹھیکے کے معاملے پر تصادم ہو گیا۔ذرائع کے مطابق میربحر برادری کے دونوں گروپوں نے ڈنڈوں، کلہاڑیوں اور سروٹوں سے ایک دوسرے پر حملہ کردیا جس باعث ایک پیرسن شخص شخص اللہ جڑیو ولد سجن میربحر موقع پر ہی قتل ہو گیا جبکہ دونوں میربحر گروپوں کی کے 7 افراد زخمی ہو گئے۔اطلاع ملتے ہی کیٹی ممتاز پولیس موقع پر پہنچ گئی اور مقتول کے لاش کو تحویل میں لے کر اسپتال منتقل کردیا۔ کیٹی ممتاز پولیس کے مطابق جھگڑا مچھلی کے تالاب کے ٹھیکے کے تنازعے پر ہوا۔ مقتول کی لاش کا پوسٹ مارٹم گورنمنٹ اسپتال نوڈیرو میں کروا کر ورثاء کے حوالے کر دیا گیا ہے جبکہ زخمیوں کا علاج جاری ہے ۔