زیارت: زرغون غر سے 19 افراد کی لاشیں ملنے کی اطلاعات، تحقیقات جاری

زیارت: ضلع زیارت کے علاقے زرغون غر سے 19 افراد کی لاشیں ملنے کی اطلاعات سامنے آئی ہیں۔ مقامی ذرائع کے مطابق لاشیں مختلف مقامات سے برآمد ہوئی ہیں، تاہم ان افراد کی شناخت اور واقعے کی اصل نوعیت سے متعلق معلومات اکٹھی کی جا رہی ہیں۔

مقامی افراد کا کہنا ہے کہ گزشتہ روز اغوا کیے گئے افراد میں سے 9 افراد کی لاشیں بھی برآمد ہوئی تھیں، جبکہ تازہ اطلاعات کے بعد علاقے میں خوف و ہراس پھیل گیا ہے۔

اطلاعات کے مطابق سیکیورٹی فورسز نے علاقے کو گھیرے میں لے کر تحقیقات شروع کر دی ہیں، تاہم اس حوالے سے تاحال سرکاری سطح پر کوئی تصدیق یا باضابطہ بیان سامنے نہیں آیا۔