کوئٹہ میں غیر قانونی غیر ملکیوں کے خلاف کریک ڈاؤن جاری

کوئٹہ: حکومت پاکستان کی جانب سے غیر قانونی طور پر مقیم غیر ملکیوں کے خلاف کارروائیاں تیز کر دی گئی ہیں۔ کوئٹہ کے سبزل روڈ، ہزارہ ٹاؤن اور شہر کے مختلف علاقوں میں انتظامیہ اور متعلقہ ادارے کارروائیاں جاری رکھے ہوئے ہیں۔

حکومتی پالیسی کے مطابق افغان شہریوں کے لیے ملک چھوڑنے یا قانونی دستاویزات مکمل کرنے کی آخری تاریخ 10 جولائی مقرر کی گئی ہے۔ انتظامیہ کا کہنا ہے کہ اس ڈیڈ لائن تک کارروائیاں بلا تعطل جاری رہیں گی۔

حکام نے متعلقہ افراد کو ہدایت کی ہے کہ وہ مقررہ مدت کے اندر قانونی تقاضے پورے کریں تاکہ کسی بھی قسم کی قانونی کارروائی سے بچا جا سکے۔