بازار میں تجاوزات کے خلاف کامیاب آپریشن سے ٹریفک کی روانی بہتر اور عوام کو سہولت میسر آئی ہے، سردار محمد آصف خان سرگڑھ

مسلم باغ: چیئرمین میونسپل کمیٹی سردار محمد آصف خان سرگڑھ کی اسسٹنٹ کمشنر مسلم باغ ماجد سلیم سے اہم ملاقات

مسلم باغ (ب ر) چیئرمین میونسپل کمیٹی مسلم باغ سردار محمد آصف خان سرگڑھ نے آج اسسٹنٹ کمشنر مسلم باغ ماجد سلیم سے ان کے دفتر میں ملاقات کی۔

ملاقات میں بازار میں تجاوزات کے خلاف جاری آپریشن اور شہر کی خوبصورتی کے حوالے سے تفصیلی تبادلہ خیال کیا گیا۔

اس موقع پر چیئرمین میونسپل کمیٹی سردار محمد آصف خان سرگڑھ نے اسسٹنٹ کمشنر مسلم باغ ماجد سلیم کی جانب سے بازار میں تجاوزات کے خلاف کئے گئے کامیاب آپریشن پر دادِ تحسین پیش کی اور کہا کہ تجاوزات کے خاتمے سے بازار میں ٹریفک کی روانی بہتر ہوئی ہے اور عوام کو آمدورفت میں سہولت میسر آئی ہے۔

سردار محمد آصف خان سرگڑھ نے کہا کہ میونسپل کمیٹی مسلم باغ، ضلعی انتظامیہ کے شانہ بشانہ ہے، شہر کی صفائی، تجاوزات کے خاتمے اور ترقیاتی کاموں میں ہر ممکن تعاون جاری رکھے گی۔

آخر میں اسسٹنٹ کمشنر مسلم باغ ماجد سلیم نے چیئرمین کے تعاون پر شکریہ ادا کرتے ہوئے کہا کہ تجاوزات کے خلاف آپریشن بلا تفریق جاری رہے گا۔