خیرودیرو روڈ پر ڈکیتی کی واردات، یوسی وائس چیئرمین سمیت دو افراد لٹ گئے

نوڈیرو (رپورٹ :عابد بھٹو) خیرودیرو روڈ پر ڈکیتی کی واردات، یوسی وائس چیئرمین سمیت دو افراد لٹ گئے نوڈیرو کے نزدیک خیرودیرو روڈ پر امن و امان کی صورتحال بدستور خراب، ٹھل گاؤں کے قریب لاشاری تھانہ کی حدود میں نامعلوم مسلح ڈاکوؤں نے ڈکیتی کی بڑی واردات کر ڈالی۔ یوسی لاشاری کے وائیس چیئرمین پ پ رھنما وڈیروں نظیر احمد تنیو اور دیدار احمد لاشاری اپنے کام کے سلسلے میں گائوں سے خیرودیرو جا رہے تھے کہ ٹھل گاؤں کے قریب تین نامعلوم ڈاکوؤں نے انہیں اسلحے کے زور پر روک لیا۔
ڈاکوؤں نے دونوں کو یرغمال بنا کر تشدد کا نشانہ بنایا اور ان سے: دو قیمتی ٹچ موبائل فون ،ہزاروں روپے نقدی، دیگر قیمتی سامان چھین کر باآسانی فرار ہوگئے۔ متاثرین نے فوری طور پر لاشاری تھانے پر واقعہ کی اطلاع دی گئی پولیس نے پہنچ کر واقعے کے تفصیلات لیئے اور ڈاکوؤں کا سرکاری (پیری) اور دیہاتیوں کی مدد سے پیچھا کرکے ایک گائوں کورکانی پر چھاپہ لگایا گیا پر ڈاکو پہلے وہاں سے فرار ہو جانے میں کامیاب ہوگئے ۔
اس موقع پر بات چیت کرتے ہوئے پ پ رھنما نظیر تنیو کا کہنا تھا کہ خیرودیرو ،لاشاری روڈ پر چوری اور ڈکیتی کی وارداتیں معمول بن چکی ہیں، پولیس خاموش تماشائی بنی ہوئی ہے۔ اور مجھ سے چھینا گیا سامان پولیس رکور نہیں کروا رھے اور جوابدار روزانہ موت مار دھمکیاں دی رھے ھیں۔اس سلسلے میں علاقے کے معززین اور سیاسی و سماجی حلقوں نے ایس ایس پی لاڑکانہ اور اے ایس پی رتودیرو، نوڈیرو سے مطالبہ کیا ہے کہ واقعے کا فوری نوٹس لیا جائے، چھینا گیا سامان برآمد کرایا جائے اور ملزمان کو گرفتار کرکے علاقے میں امن و امان قائم کیا جائے۔