حب میں سرکاری اراضی پر مبینہ قبضے کی کوشش ناکام، اسسٹنٹ کمشنر کا فوری ایکشن، کام بند کرا دیا گیا

حب نمائندہ خصوصی

عوامی شکایت پر اسسٹنٹ کمشنر حب مہیم خان گچکی کا سرکاری اراضی پر مبینہ قبضے کی کوشش کے خلاف فوری کارروائی کی۔

تفصیلات کے مطابق

حب شہر عوامی شکایت پر اسسٹنٹ کمشنر حب مہیم خان گچکی کا دارو ہوٹل کے قریب واقع قبرستان کے نزدیک سرکاری اراضی پر تعمیرات کی غرض سے جھاڑیوں کی صفائی کا نوٹس لیتے ہوئے متعلقہ شخص کے خلاف کارروائی کی اور کام فوری طور پر بند کروا دیا اس موقع پر اسسٹنٹ کمشنر حب مہیم خان گچکی نے واضح ہدایات جاری کرتے ہوئے کہا کہ سرکاری اراضیات پر قبضہ کرنے یا کسی بھی قسم کی تعمیرات کی کسی شخص کو اجازت نہیں دی جائے گی سرکاری زمینوں کا تحفظ انتظامیہ کی اولین ترجیحات میں شامل ہے اور اس سلسلے میں کسی قسم کی غفلت برداشت نہیں کی جائے گی انہوں نے ریونیو اسٹاف کو بھی سختی سے ہدایت کی کہ اپنی حدود میں سرکاری اراضیات کی مسلسل نگرانی کریں اور جہاں کہیں بھی سرکاری زمین پر قبضے یا غیر قانونی تعمیرات کی کوشش سامنے آئے، اس کی فوری نشاندہی کرتے ہوئے مکمل رپورٹ اسسٹنٹ کمشنر حب کے دفتر میں پیش کریں، تاکہ بروقت قانونی کارروائی عمل میں لائی جا سکے۔