جرائم کی روک تھام ، عوام کے جان و مال کا تحفظ اور میرٹ پر بروقت انصاف کی فراہمی میری اولین ترجیح ہے، چوہدری نعمان اقبال

منڈی مدرسہ(عبدالقادر فاروقی)
جرائم پیشہ عناصر، منشیات فروشوں اور سماجی برائیوں میں ملوث افراد کے لیے کے ساتھ کوئی رعائت نہیں کی جائیگی۔ پولیس عوام کے جان و مال کے تحفظ، امن و امان کے قیام اور جرائم کے خاتمے کے لیے چوبیس گھنٹے چوکس و تیار ہے۔ شہری پولیس کے ساتھ تعاون کرتے ہوئے منشیات فروشوں اور دیگر جرائم پیشہ عناصر کی نشاندہی کریں تاکہ بروقت کارروائی کرکے معاشرے کو جرائم سے پاک بنانے کے لیے مؤثر اقدامات کیے جاسکیں ۔ ان خیالات کا اظہار چوہدری نعمان اقبال ، ایس ایچ او تھانہ تخت محل نے میڈیا سے گفتگو کرتے ہوئے کیا ۔ انہوں نے کہا کہ عوام اپنے اردگرد مشکوک سرگرمیوں پر نظر رکھیں اور کسی بھی غیر قانونی سرگرمی کی اطلاع پولیس کو دیں تاکہ قانون کے مطابق ان کے خلاف قانونی کاروائی ہوسکے ۔انہوں نے کہا کہ تھانہ کے دروازے عوام کے لیے کھلے ہیں اور کسی بھی شہری کو کوئی مسئلہ درپیش ہو تو وہ بلاجھجک ان سے رابطہ کرسکتا ہے۔ سائلین کی شکایات کو میرٹ پر سننا اور ان کے مسائل کے حل کے لیے اقدامات کرنا پولیس کی ترجیحات میں شامل ہے۔ شہریوں کو چاہیے کہ وہ جرائم کے خاتمے کے لیے پولیس کے ساتھ اپنا مثبت کردار ادا کریں۔ انہوں نے کہا کہ بروقت اطلاع اور جرائم کی نشاندہی سے پولیس کو مؤثر کارروائی کرنے میں مدد ملتی ہے، اس لیے شہری ایک پُرامن اور محفوظ معاشرے کے قیام کے لیے پولیس کے ساتھ تعاون کو اپنا قومی اور سماجی فریضہ سمجھیں۔