کوئٹہ میں زور دار دھماکہ، 2 پولیس اہلکار شہید، 3 زخمی

کوئٹہ (ویب ڈیسک): کوئٹہ کے علاقے سونا خان میں میاں غنڈی کے قریب زور دار دھماکے کے نتیجے میں ابتدائی اطلاعات کے مطابق دو پولیس اہلکار شہید جبکہ تین زخمی ہوگئے۔

پولیس ذرائع کے مطابق شہید اور زخمی اہلکاروں کو فوری طور پر سول ہسپتال کوئٹہ منتقل کر دیا گیا، جہاں زخمیوں کو طبی امداد فراہم کی جا رہی ہے۔

دھماکے کی نوعیت اور وجوہات تاحال معلوم نہیں ہوسکیں، جبکہ واقعے سے متعلق مزید تفصیلات کا انتظار ہے۔ متعلقہ حکام کی جانب سے حتمی معلومات سامنے آنے پر صورتحال واضح ہوگی۔