عدالت میں دورانِ سماعت وکیل کو سیلفیاں بنانا مہنگا پڑ گیا

اسلام آباد: اسلام آباد ہائیکورٹ میں مقدمات کی سماعت کے دوران وکیل کو سیلفیاں بنانا مہنگا پڑ گیا، جس پر جسٹس خادم حسین سومرو نے سخت برہمی کا اظہار کیا۔

تفصیلات کے مطابق کمرہ عدالت میں سماعت جاری تھی کہ جسٹس خادم حسین سومرو کی نظر ایک وکیل پر پڑی جو سیلفیاں بنانے میں مصروف تھے۔ اس پر جسٹس خادم حسین سومرو نے وکیل کو مخاطب کرتے ہوئے کہا کہ یہ عدالت ہے اور یہاں عدالتی وقار اور نظم و ضبط کا خیال رکھنا ضروری ہے۔

جج نے ریمارکس دیے کہ وکیل کو کم از کم عدالت کے تقدس اور ماحول کا احترام کرنا چاہیے۔

واقعے کے بعد وکیل نے جسٹس خادم حسین سومرو سے معذرت کرلی۔