کندھکوٹ میں سانحہ کارساز کے شہداء کو خراجِ عقیدت، پیپلز پارٹی کی تقریب

کندھکوٹ (نامہ نگار/عبدالرزاق آزاد)پیپلز پارٹی ضلع کشمور کی جانب سے 18 اکتوبر سانحۂ کارساز کے شہداء کو خراجِ عقیدت پیش کیا گیا۔تفصیلات کے مطابق پاکستان پیپلز پارٹی ضلع کشمور کی جانب سے 18 اکتوبر سانحۂ کارساز کے شہداء کو خراجِ عقیدت پیش کرنے کے لیے ایک تقریب منعقد کی گئی، جس کی صدارت پیپلز پارٹی ضلع کشمور کے صدر میر گل محمد خان جکھرانی نے کی۔
تقریب میں پیپلز پارٹی کے سینکڑوں کارکنوں نے شرکت کی اور سانحۂ کارساز کے شہداء کو بھرپور خراجِ عقیدت پیش کرتے ہوئے ان کی قربانیوں کو یاد کیا۔ اس موقع پر شہداء کی عظیم قربانیوں کو خراجِ تحسین پیش کیا گیا اور ان کی جدوجہد کو یاد کیا گیا۔
تقریب میں پیپلز پارٹی ضلع کشمور کے جنرل سیکریٹری میر الطاف خان کھوسو اور سیکریٹری اطلاعات ایڈووکیٹ رضا مراد چاچڑ شفقت حسین میرانی، سینئر نائب صدر نے بھی شرکت کی۔