ڈسٹرکٹ ایجوکیشن آفیسر عبدالستار لانگو کا گورنمنٹ بوائز ہائی سکول دہپال خورد کا اچانک دورہ

سیوی (نامہ نگار) ڈسٹرکٹ ایجوکیشن آفیسر سیوی عبدالستار لانگو نے گورنمنٹ بوائز ہائی سکول دہپال خورد کا اچانک دورہ کیا، جہاں انہوں نے تعلیمی سرگرمیوں، اساتذہ کی حاضری اور تدریسی عمل کا تفصیلی جائزہ لیا۔ اس موقع پر انہوں نے مختلف کلاس رومز کا دورہ کیا اور طلبہ سے تعلیمی سوالات پوچھ کر ان کی تعلیمی استعداد کا جائزہ لیا تفصیلات کے مطابق ڈسٹرکٹ ایجوکیشن آفیسر سیوی عبدالستار لانگو نے سکول کے دورے کے دوران کلاس رومز میں جاری تدریسی سرگرمیوں کا معائنہ کیا اور طلبہ سے مختلف سوالات کیے طلبہ کی جانب سے دیے گئے جوابات پر انہوں نے اطمینان کا اظہار کیا اور اساتذہ کی توجہ معیاری تعلیم کی فراہمی پر مرکوز رکھنے کی ہدایت کی انہوں نے اساتذہ پر زور دیا کہ وہ اپنی پیشہ ورانہ ذمہ داریاں احسن طریقے سے ادا کریں،سکول میں تعلیمی سرگرمیوں کو مزید تیز اور مؤثر بنائیں اور طلبہ کی تعلیمی استعداد بہتر بنانے کے لیے بھرپور محنت کریں۔ ان کا کہنا تھا کہ تعلیم کے معیار کو بہتر بنانے کے لیے اساتذہ کی باقاعدہ حاضری، پابندیٔ وقت اور تدریسی عمل میں دلچسپی بنیادی اہمیت رکھتی ہے