شیر گڑھ پریس کلب میں ارسلان کے انتقال پر تعزیتی اجلاس، مرحوم کے لیے دعائے مغفرت

مرکزی پریس کلب رجسٹرڈ شیر گڑھ میں جواں سال ارسلان کے انتقال پر تعزیتی اجلاس، مرحوم کے ایصالِ ثواب کے لیے دعا مغفرت

شیر گڑھ (نامہ نگار) مرکزی پریس کلب رجسٹرڈ شیر گڑھ میں سینئر صحافی (او ایس آر) ہیڈ دنیا میڈیا گروپ ممتاز احمد گوندل، ماہرِ تعلیم ریاض احمد گوندل، اعجاز احمد گوندل اور زاہد گوندل کے بھانجے جبکہ واپڈا آفیسر عنصر بھٹی کے جواں سال صاحبزادے ارسلان کے اچانک انتقال پر تعزیتی اجلاس منعقد کیا گیا، جس میں صحافتی برادری نے گہرے دکھ اور افسوس کا اظہار کرتے ہوئے سوگوار خاندان سے دلی تعزیت کی۔اجلاس میں صدر مرکزی پریس کلب رجسٹرڈ شیر گڑھ و ضلعی چیئرمین ڈسٹرکٹ یونین آف جرنلسٹس اوکاڑہ عمران زاہد کھوکھر سمیت صحافتی برادری کے نمائندوں نے شرکت کرتے ہوئے مرحوم ارسلان کی ناگہانی وفات کو اہلِ خانہ کے لیے ناقابلِ تلافی نقصان قرار دیا۔ شرکائے اجلاس نے کہا کہ جواں سال بیٹے کی جدائی والدین اور خاندان کے لیے انتہائی کرب ناک صدمہ ہے، جس کا دکھ الفاظ میں بیان نہیں کیا جا سکتا۔ دکھ کی اس گھڑی میں صحافتی برادری سوگوار خاندان کے غم میں برابر کی شریک ہے۔اس موقع پر مرحوم ارسلان کے ایصالِ ثواب کے لیے فاتحہ خوانی کی گئی اور دعا کی گئی کہ اللہ تعالیٰ مرحوم کی کامل مغفرت فرمائے، اسے جنت الفردوس میں اعلیٰ مقام عطا فرمائے اور تمام لواحقین کو صبرِ جمیل اور یہ صدمہ برداشت کرنے کی ہمت عطا فرمائے۔ آمین۔