مسلم باغ: اسسٹنٹ کمشنر ماجد سلیم نے سول ہسپتال میں ایس ای جی (SEG) وارڈ کا افتتاح کر دیا

مسلم باغ: اسسٹنٹ کمشنر ماجد سلیم نے سول ہسپتال میں ایس ای جی (SEG) وارڈ کا افتتاح کر دیا

مسلم باغ (پریس ریلیز): اسسٹنٹ کمشنر مسلم باغ ماجد سلیم نے سول ہسپتال مسلم باغ میں ایس ای جی (SEG) وارڈ کا باقاعدہ افتتاح کر دیا۔ افتتاحی تقریب میں ایم ایس سول ہسپتال ڈاکٹر مریم، ڈاکٹر محمد حسین، تحصیلدار مسلم باغ اسد اللہ شیرانی، صدر انجمن تاجران محمد عارف کاکڑ، سول ہسپتال کے فوکل پرسن امان سمیت ہسپتال کے عملے اور دیگر متعلقہ افراد نے شرکت کی۔

اس موقع پر اسسٹنٹ کمشنر ماجد سلیم نے گفتگو کرتے ہوئے کہا کہ عوام کو صحت کی معیاری سہولیات فراہم کرنا انتظامیہ کی بنیادی ذمہ داری اور عوام کا حق ہے۔

انہوں نے مزید کہا کہ ایس ای جی وارڈ کے قیام سے مریضوں کو اپنے ہی شہر میں تشخیصی سہولیات میسر آئیں گی اور انہیں علاج و معالجے کے لیے دور دراز شہروں کا رخ کرنے کی ضرورت کم ہوگی۔

اسسٹنٹ کمشنر نے اس عزم کا اظہار کیا کہ علاقے میں صحت کی سہولیات کو بہتر بنانے اور عوام کو معیاری طبی خدمات فراہم کرنے کے لیے ہر ممکن اقدامات کیے جائیں گے۔