تین سال قبل سیاہ کاری کے الزام میں بیوی کو قتل کرنے والا اشتہاری ملزم گرفتار، سکھر پولیس کی کامیاب کارروائی

سکھر (رپورٹ: اسلم سومرو) ایس ایس پی سکھر احمد چوہدری PSP, QPM کی ہدایات پر روپوش، اشتہاری اور مطلوب ملزمان کی گرفتاری کے لیے سکھر پولیس کی کارروائیاں جاری ہیں۔ اس سلسلے میں ایس ڈی پی او سائٹ ایریا عبدالقادر سومرو کی سربراہی میں ایس ایچ او تھانہ تماچانی نے اہم کارروائی کرتے ہوئے تین سال قبل اپنی بیوی کو سیاہ کاری کے الزام میں قتل کرنے کے مقدمے میں مطلوب اشتہاری ملزم ریاض حسین لاشاری کو گرفتار کرلیا سکھر پولیس کے ترجمان کے مطابق گرفتار ملزم ریاض حسین لاشاری نے 20 اپریل 2023ء کو تھانہ تماچانی کی حدود میں واقع گوٹھ لاشاری میں اپنی بیوی انیسہ لاشاری کو سیاہ کاری کا الزام عائد کرکے مبینہ طور پر قتل کیا تھا، جس کے بعد واقعے کا مقدمہ تھانہ تماچانی میں درج کیا گیا تھا پولیس کے مطابق مذکورہ مقدمہ نمبر 27/2023 بجرم دفعات 302 اور 311 کے تحت درج تھا، جبکہ ملزم گرفتاری سے بچنے کے لیے روپوش تھا۔ ایس ڈی پی او سائٹ ایریا عبدالقادر سومرو کی سربراہی میں پولیس ٹیم نے کارروائی کرتے ہوئے ملزم کو گرفتار کرلیا سکھر پولیس کے مطابق گرفتار ملزم کے خلاف مزید قانونی کارروائی جاری ہے۔ ایس ایس پی سکھر احمد چوہدری کی ہدایات پر اشتہاری اور مطلوب ملزمان کی گرفتاری کے لیے کارروائیاں جاری رکھی جائیں گی۔