بلیدہ میں گھر پر راکٹ حملہ، خاتون سمیت 2 افراد جاں بحق

تربت: ضلع کیچ کی تحصیل بلیدہ کے علاقے الندور میں ایک گھر پر راکٹ حملے اور فائرنگ کے نتیجے میں خاتون سمیت 2 افراد جاں بحق جبکہ 2 افراد زخمی ہوگئے۔

ذرائع کے مطابق نامعلوم مسلح افراد نے رحمت ولد رفیق کے گھر کو راکٹ لانچر سے نشانہ بنایا اور بعد ازاں فائرنگ بھی کی۔

حملے کے نتیجے میں پروم پنجگور کے رہائشی سردار یحییٰ ولد حاجی حسن اور عائشہ بنت لعل محمد جاں بحق ہوگئے، جبکہ الندور کے رہائشی شہیک ولد نور اللہ اور شہاب ولد صغیر زخمی ہوئے۔

واقعے کے بعد زخمیوں کو طبی امداد کے لیے منتقل کردیا گیا۔ حملے کی وجوہات اور ملزمان سے متعلق فوری طور پر مزید معلومات سامنے نہیں آسکیں۔