خیبرپختونخوا کے شہری وزیراعلیٰ کی کارکردگی سےغیر مطمئن، سہیل آفریدی پر شدید تنقید

پشاور: خیبرپختونخوا کے بعض شہریوں نے صوبے میں جاری سیاسی احتجاج اور سڑکوں کی بندش پر تشویش کا اظہار کرتے ہوئے وزیراعلیٰ سہیل آفریدی کی کارکردگی پر بھی تنقید کی ہے۔

شہریوں کا کہنا ہے کہ سیاسی سرگرمیوں اور احتجاج کے باعث عام لوگوں کو مشکلات کا سامنا ہے، جبکہ عوام کو احتجاج اور کشیدگی کے بجائے امن، استحکام اور معمولات زندگی کی بحالی چاہیے۔

شہریوں نے پاکستان تحریک انصاف کی سیاسی حکمت عملی پر بھی اعتراض کرتے ہوئے کہا کہ صوبے میں ایسے اقدامات سے گریز کیا جائے جن سے عوام کی مشکلات میں اضافہ ہو۔

ان کا کہنا تھا کہ خیبرپختونخوا کے موجودہ حالات کو بہتر بنانے کے لیے حکومت کو عوامی مسائل پر توجہ دینی چاہیے۔ شہریوں نے مطالبہ کیا کہ صوبے میں امن و امان اور معمولات زندگی کی بحالی کو ترجیح دی جائے۔