نصیرآباد میں فائرنگ، 2 افراد جاں بحق، ایک زخمی

نصیرآباد: باباکوٹ تھانے کی حدود میں فائرنگ کے واقعے میں دو افراد جاں بحق جبکہ ایک شخص زخمی ہوگیا۔ جاں بحق افراد کی شناخت میر نوروز خان عمرانی اور عرض محمد کے نام سے ہوئی ہے۔

واقعے کی اطلاع ملتے ہی پولیس موقع پر پہنچ گئی اور جاں بحق افراد کی لاشوں اور زخمی شخص کو اسپتال منتقل کردیا گیا۔ پولیس نے واقعے کی تحقیقات شروع کردی ہیں جبکہ فائرنگ کی وجوہات اور ملزمان سے متعلق مزید معلومات سامنے آنا باقی ہیں۔