حکومت نے عمران خان سے متعلق غیر ملکی میڈیا رپورٹس مسترد کر دیں

حکومت نے عمران خان سے متعلق غیر ملکی میڈیا رپورٹس مسترد کر دیں

اسلام آباد: حکومت نے بانی پی ٹی آئی عمران خان سے متعلق بعض غیر ملکی میڈیا اداروں کی رپورٹس کو گمراہ کن اور منظم منفی پروپیگنڈا قرار دیتے ہوئے مسترد کردیا۔

وزارت اطلاعات و نشریات کے مطابق عمران خان کسی انتظامی حراست میں نہیں بلکہ مجاز عدالتوں کی جانب سے سنائی گئی سزاؤں کے نتیجے میں قید ہیں اور انہیں قانون کے مطابق تمام قانونی چارہ جوئی کا حق حاصل ہے۔

حکومت نے عمران خان کو قید تنہائی میں رکھنے، تشدد کرنے یا بنیادی سہولیات سے محروم رکھنے کے الزامات کو بھی مسترد کرتے ہوئے کہا کہ انہیں جیل قوانین، عدالتی احکامات اور سیکیورٹی انتظامات کے مطابق ملاقات، ٹیلی فون، مطالعے کے مواد اور ٹیلی ویژن سمیت دیگر سہولیات حاصل ہیں۔

سرکاری بیان کے مطابق عمران خان کو سات سیلز پر مشتمل علیحدہ کمپاؤنڈ فراہم کیا گیا ہے، جہاں سونے، صفائی اور ورزش کی سہولیات موجود ہیں، جبکہ انہیں الگ سے تیار کیا گیا کھانا بھی فراہم کیا جاتا ہے۔

حکومت کے مطابق عمران خان سے ملاقاتوں پر پابندی کا دعویٰ بھی درست نہیں۔ سرکاری ریکارڈ کے مطابق قید کے دوران تقریباً 198 ملاقاتوں کے سیشنز ہوئے، جن میں 900 سے زائد افراد نے ملاقات کی۔ ملاقات کرنے والوں میں اہلخانہ، وکلا، ڈاکٹرز، سیاسی نمائندگان اور دیگر منظور شدہ افراد شامل ہیں۔

بیان میں کہا گیا کہ اہلیہ کو ہفتہ وار ملاقات کی اجازت بھی دی گئی، جبکہ تازہ ترین ملاقات 4 اگست 2026 کو ہوئی۔ اس کے علاوہ 18، 19 اور 25 اگست کو عمران خان کی بہنوں سے بھی ملاقاتیں ہوئیں۔

سرکاری ریکارڈ کے مطابق عمران خان کو پاکستان اور بیرون ملک موجود اہلخانہ سے ٹیلی فون، لینڈ لائن اور واٹس ایپ کے ذریعے رابطے کی سہولت بھی فراہم کی جاتی رہی ہے۔ حکومت نے واضح کیا کہ جیل میں عمران خان تک رسائی کو سیاسی سرگرمی یا جیل سے بلا روک ٹوک سیاسی رابطوں کا ذریعہ نہیں بنایا جاسکتا۔

Files, images, and data analysis are unavailable until usage resets at 3:26 PM. Continue chatting with text only, or upgrade for more access.
Try Plus free