پیسوں کی آفر کے باوجود پاکستانیوں کا بھارتی پرچم جلانے سے انکار، دلچسپ ویڈیو وائرل

پیسوں کی آفر کے باوجود پاکستانیوں کا بھارتی پرچم جلانے سے انکار، دلچسپ ویڈیو وائرل

پاکستانی کانٹینٹ کریئیٹر کی جانب سے عام شہریوں کو بھارتی پرچم جلانے کے عوض نقد رقم کی پیشکش کی ویڈیو سوشل میڈیا پر وائرل ہوگئی جس پر صارفین کی جانب سے مختلف ردِعمل کا اظہار کیا جا رہا ہے جبکہ متعدد پاکستانی اور بھارتی صارفین نے رقم کی پیشکش کے باوجود پرچم جلانے سے انکار کرنے والے شہریوں کو سراہا ہے۔

وائرل ویڈیو میں ایک پاکستانی کانٹینٹ کریئیٹر عام شہریوں سے بھارتی پرچم جلانے کے لیے کہتا اور اس کے بدلے انہیں نقد رقم کی پیشکش کرتا دکھائی دیتا ہے تاہم ویڈیو میں نظر آنے والے شہری رقم کے لالچ میں آنے کے بجائے بھارتی پرچم جلانے سے انکار کردیتے ہیں۔

ویڈیو کے مطابق کانٹینٹ کریئیٹر کی جانب سے رقم بڑھانے کی پیشکش بھی کی گئی تاہم شہری اپنے مؤقف پر قائم رہے اور کسی بھی قیمت پر بھارتی پرچم جلانے سے گریز کیا۔ شہریوں کا کہنا تھا کہ وہ پیسوں کی خاطر کسی بھی ملک کے پرچم کی بے حرمتی نہیں کرسکتے۔

A Pakistani content creator offered ordinary Pakistanis a wad of cash to burn the Indian flag.

Every single person refuses.

You can manufacture outrage. You can monetize hatred. But sometimes ordinary people remind you that patriotism does not require dehumanising your… pic.twitter.com/HjEkDXX8h9

— Dan Qayyum (@DanQayyum) August 15, 2026

صارفین کی جانب سے پاکستانی شہریوں کے اس رویے کو سراہا جا رہا ہے۔ کئی صارفین نے اسے اس بات کی مثال قرار دیا کہ اپنے ملک سے محبت اور حب الوطنی کا اظہار کسی دوسرے ملک یا قوم سے نفرت اور اس کی قومی علامت کی توہین کے بغیر بھی کیا جاسکتا ہے۔

اس ویڈیو پر بھارتی صارفین کی جانب سے بھی مثبت ردِعمل سامنے آیا۔ متعدد صارفین نے پاکستانی شہریوں کے فیصلے کی تعریف کرتے ہوئے کہا کہ دونوں ممالک کے درمیان سیاسی اختلافات اپنی جگہ، تاہم عام شہریوں کو ایک دوسرے کی قومی علامتوں کا احترام کرنا چاہیے۔

اسی حوالے سے بھارتی صارف اشوک سوائن نے لکھا کہ اگر آپ بھارت میں پاکستانی پرچم جلانے سے انکار کریں تو مودی گینگ آپ کو ’ملک دشمن‘ قرار دے دے گا

بعض صارفین نے کہا کہ جس طرح پاکستانی شہریوں نے پیسوں کے عوض بھارتی پرچم جلانے سے انکار کیا اسی طرح بھارت میں بھی لوگوں کو قومی اور سیاسی اختلافات سے بالاتر ہوکر دوسرے ملک کی قومی علامت کا احترام کرنا چاہیے۔