بلجیم میں گھر کی دیوار توڑنے کے دوران اربوں مالیت کا سونا ملنے کا دعویٰ

بلجیم: گھر کی تعمیر و مرمت کے دوران مزدوروں کو مبینہ طور پر دیوار توڑنے پر بڑی مقدار میں سونا مل گیا، جس کی مالیت اربوں روپے بتائی جا رہی ہے۔

اطلاعات کے مطابق مزدوروں نے سونا ملنے کے بعد فوری طور پر پولیس کو اطلاع دی، جس کے بعد پولیس نے قیمتی دھات کو اپنی تحویل میں لے لیا اور مذکورہ گھر کے اطراف سیکیورٹی اقدامات سخت کر دیے۔

پولیس نے لوگوں کو گھر کے قریب جانے سے روک دیا ہے، جبکہ مزید سونے کی موجودگی کے امکان کے پیشِ نظر تلاش کا عمل بھی جاری ہے۔

حکام کی جانب سے واقعے کی مزید تحقیقات کی جا رہی ہیں تاکہ سونے کی اصل ملکیت اور مکمل تفصیلات کا تعین کیا جا سکے۔