جھل مگسی میں کرش پلانٹ پر حملہ، چار افراد اغواء

جھل مگسی: ضلع جھل مگسی کے علاقے نفور میں نواب زادہ ظفر مگسی کے کرش پلانٹ پر مسلح افراد نے حملہ کرکے مقامی ٹھیکیدار سمیت چار افراد کو اغواء کرلیا۔

پولیس کے مطابق درجنوں مسلح افراد کرش پلانٹ میں داخل ہوئے اور وہاں موجود ٹھیکیدار، ان کے چار ساتھیوں کو ایک گاڑی سمیت اپنے ہمراہ لے گئے اور نامعلوم مقام کی طرف فرار ہوگئے۔

واقعے کی اطلاع ملتے ہی پولیس کی بھاری نفری اور مگسی قبیلے کے سینکڑوں مسلح افراد اغواء کاروں کے تعاقب کے لیے روانہ ہوگئے۔

پولیس نے ضلع کے داخلی و خارجی راستوں پر ناکہ بندی کرتے ہوئے مغویوں کی بازیابی اور ملزمان کی گرفتاری کے لیے سرچ آپریشن شروع کردیا ہے۔