رواں ہفتے 3 چھٹیوں کا اعلان، سرکلر جاری

اسلام آباد: ملک بھر میں بینکس اور دیگر مالیاتی ادارے 14، 15 اور 16 اگست کو تین روز کے لیے بند رہیں گے۔

اسٹیٹ بینک آف پاکستان کی جانب سے جاری کردہ سرکلر کے مطابق یوم آزادی کے موقع پر جمعہ 14 اگست کو عام تعطیل ہوگی، جبکہ ہفتہ اور اتوار کو معمول کی تعطیلات کے باعث بینک بند رہیں گے۔

اسٹیٹ بینک کے مطابق بینکوں کی اے ٹی ایم سروسز اور آن لائن بینکاری سہولیات معمول کے مطابق دستیاب رہیں گی۔