’’سسٹم فیل ہو چکا ہے، وزیرِ داخلہ نے درست کہا‘‘ وزیر ہاؤسنگ اینڈ ورکس

اسلام آباد: وزیر ہاؤسنگ اینڈ ورکس ریاض پیرزادہ نے سینیٹ کی قائمہ کمیٹی برائے ہاؤسنگ اینڈ ورکس کے اجلاس میں کہا ہے کہ وزیر داخلہ نے درست کہا کہ سسٹم فیل ہو چکا ہے۔

اجلاس میں پی ڈبلیو ڈی کے سابق ملازمین کی پنشن اور دیگر واجبات کے معاملات پر بحث ہوئی۔ کمیٹی اراکین نے ملازمین کو درپیش مسائل پر تشویش کا اظہار کیا، جبکہ حکام نے تنخواہوں اور پنشن سے متعلق مختلف قانونی نکات پیش کیے۔

وزیر ہاؤسنگ نے کہا کہ نظام کی کمزوریوں کے باعث اداروں کو مسائل کا سامنا کرنا پڑتا ہے، افسران فیصلوں کا جواب نہیں دیتے لیکن ذمہ داری حکومت کو اٹھانا پڑتی ہے۔ انہوں نے کہا کہ حکومت کوئی خیراتی ادارہ نہیں، معاملات قواعد و ضوابط کے مطابق چلائے جاتے ہیں۔

ریاض پیرزادہ نے کہا کہ جعلی خطوط اور بے ضابطگیوں کے ذریعے بڑے مالی نقصانات کا خدشہ ہوتا ہے، جبکہ اداروں میں بہتری لانے کی ضرورت ہے۔ اجلاس میں کمیٹی چیئرمین نے ملازمین کے مسائل کے حل کے لیے اقدامات جاری رکھنے پر زور دیا۔