سوراب میں جاں بحق افراد کے لواحقین کا احتجاج، کوئٹہ کراچی شاہراہ بند

سوراب: گدر گندان میں پیش آنے والے واقعے میں جاں بحق افراد کے لواحقین نے میتیں سوراب مین چوک پر رکھ کر احتجاج شروع کر دیا، جس کے باعث کوئٹہ کراچی قومی شاہراہ N-25 پر ٹریفک کی روانی متاثر ہوگئی۔

احتجاج کے باعث شاہراہ کے دونوں اطراف گاڑیوں کی طویل قطاریں لگ گئیں اور مسافروں کو مشکلات کا سامنا کرنا پڑا۔ مظاہرین نے مطالبات کی منظوری تک دھرنا جاری رکھنے کا اعلان کیا ہے۔ انتظامیہ کی جانب سے صورتحال کو معمول پر لانے کے لیے اقدامات جاری ہیں۔