فریدہ خانم کی سالگرہ اور کتاب “میں فلسطینی بچہ ہوں” کی تقریبِ رونمائی لاہور میں منعقد

لاہور: پیس میڈیا ایسوسی ایشن، پاکستان کے زیرِ اہتمام شاعرہ، صحافی، کالم نگار اور سماجی کارکن فریدہ خانم کی سالگرہ اور بچوں کے لیے لکھی گئی کتاب “میں فلسطینی بچہ ہوں” کی تقریبِ رونمائی 26 جولائی 2026 کو سیور فوڈز، لاہور میں نہایت پروقار انداز میں منعقد ہوئی۔

تقریب کی صدارت محترم وسیم صابر نے کی، جبکہ محترمہ انحر معین، محترم صائم راجپوت، محترم سید صائم شاہ، محترم رانا فیاض، محترم علی ملک، محترمہ بیگم محمودہ جاوید، محترم شاہ زیب اور محترم آصف خان نے بطورِ خصوصی مہمان شرکت کی۔

تقریب کے دوران فریدہ خانم کی بچوں کے لیے لکھی گئی کتاب “میں فلسطینی بچہ ہوں” کی باقاعدہ رونمائی کی گئی۔ مقررین نے کتاب کو فلسطینی بچوں کے جذبات، امید اور حوصلے کی خوبصورت ترجمان قرار دیتے ہوئے مصنفہ کی کاوش کو سراہا۔

شرکاء نے فریدہ خانم کو سالگرہ کی مبارکباد پیش کی، نیک تمناؤں کا اظہار کیا اور ان کی ادبی، صحافتی اور سماجی خدمات کو خراجِ تحسین پیش کیا۔ تقریب خوشگوار ماحول میں منعقد ہوئی جہاں سالگرہ کا کیک بھی کاٹا گیا اور شرکاء نے ایک دوسرے کے ساتھ یادگار لمحات گزارے۔

تقریب کے اختتام پر پیس میڈیا ایسوسی ایشن کے عہدیداران نے اس عزم کا اظہار کیا کہ وہ آئندہ بھی ادب، صحافت اور سماجی خدمت کے فروغ کے لیے ایسی مثبت اور بامقصد تقریبات کا انعقاد جاری رکھیں گے۔