مسلم باغ: خیدادزئی قوم کا مبینہ ناروا الاٹمنٹ کے خلاف احتجاج

قوم کے مشران نے خطاب کرتے ہوئے کہا کہ ہمارے آبا و اجداد کے پدری وطن پر قوم کے غداروں کے ساتھ مل کر غیر مقامی لوگوں نے، جن میں پنجابی چوہدری، کبزئی اور دیگر شامل ہیں، ہمارے پدری وطن کی ناروا الاٹمنٹ راتوں رات کی ہے۔ جس کی ہم خیدادزئی قوم سخت مذمت کرتے ہیں۔

ہم کسی قوم کو بھی یہ اجازت نہیں دیتے کہ وہ آ کر ہمارے پدری وطن کی الاٹمنٹ کرے۔

ہم قوم کے نوجوانوں اور دیگر اقوام سرگڑہ، مہترزئی، میردادزئی اور دیگر سے اپیل کرتے ہیں کہ آپ خود بھی اپنی قوم میں غدار اور دلال لوگوں کا راستہ روکیں۔ تاکہ جس طرح آج ہمارے ساتھ ہو رہا ہے، کل آپ کے ساتھ بھی ہو سکتا ہے۔

ہم مسلم باغ کی سیاسی پارٹیوں سے بھی پرزور اپیل کرتے ہیں کہ اس ناروا الاٹمنٹ پر ایک آل پارٹیز کانفرنس بلائی جائے۔ تاکہ کل منگلہ جیسا واقعہ پیش نہ آئے۔ کیونکہ ہم مجبور ہیں۔ ہم اپنی بچوں کی روزی روٹی چھیننے کا کسی کو حق نہیں دیتے۔