نوشکی: مکی مسجد کے قریب فائرنگ، دو افراد جاں بحق

نوشکی: مکی مسجد کے قریب نامعلوم افراد کی فائرنگ کے نتیجے میں دو افراد جاں بحق ہوگئے۔

ذرائع کے مطابق فائرنگ کا واقعہ شہر کے حساس علاقے مکی مسجد کے قریب پیش آیا، جہاں مسلح افراد نے فائرنگ کرکے دو افراد کو نشانہ بنایا، جس کے نتیجے میں دونوں موقع پر ہی دم توڑ گئے۔

واقعے کے بعد پولیس اور دیگر قانون نافذ کرنے والے اداروں نے علاقے کو گھیرے میں لے کر تحقیقات شروع کر دی ہیں، جبکہ ملزمان کی گرفتاری کے لیے کارروائیاں جاری ہیں۔

واضح رہے کہ چار روز قبل بھی اسی مقام کے قریب فائرنگ کا واقعہ پیش آیا تھا، جس میں دو افراد جاں بحق ہوئے تھے۔ مسلسل پیش آنے والے واقعات پر شہریوں میں تشویش پائی جا رہی ہے اور عوام نے امن و امان کی صورتحال بہتر بنانے کا مطالبہ کیا ہے۔