کوئٹہ: کاظم علی خان کی والدہ انتقال کر گئیں، مختلف حلقوں کا اظہارِ افسوس

کوئٹہ ( ) بلوچستان شیعہ کانفرنس کے سینئر نائب صدر کاظم علی خان کی والدہ محترمہ انتقال کر گئی ہیں۔ مرحومہ لیاقت علی خان اور ذوالفقار علی خان کی بھی والدہ جبکہ وسیم بیگ مرزا، عاصم بیگ مرزا اور علی بیگ مرزا کی نانی اور رجب علی حیدری و مشتاق حسین کی ساس تھیں۔ فاتحہ خوانی (آج) بروز سوموار صبح 9 بجے سے دوپہر 12 بجے تک امام بارگاہ ولی عصرؑ ہزارہ ٹاؤن میں ہوگی۔ دریں اثناء تحریک نفاذ فقہ جعفریہ کے لسان ترجمان طارق احمد جعفری، مرکزی تنظیم تاجران بلوچستان کے ترجمان کاشف حیدری، محمد رضا قلندری، رضا گاؤ سواری، ناصر علی حیدری و دیگر شخصیات نے کاظم علی خان کی والدہ کے انتقال پر گہرے دکھ اور افسوس کا اظہار کرتے ہوئے کہا ہے کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور پسماندگان کو صبر جمیل عطا فرمائے۔ آمین۔