وفاقی دارالحکومت اسلام آباد سمیت ملک کے مختلف شہروں میں زلزلے کے جھٹکے، شہریوں میں خوف و ہراس

وفاقی دارالحکومت اسلام آباد سمیت ملک کے مختلف شہروں میں زلزلے کے جھٹکے، شہریوں میں خوف و ہراس
صبح 11 بج کر 46 منٹ پر آنے والے زلزلے کی شدت 5.7 ریکارڈ کی گئی، جس کی گہرائی تقریباً 170 کلومیٹر تھی

وفاقی دارالحکومت آسلام آباد سمیت ملک کے مختلف شہروں میں زلزلے کے جھٹکے محسوس کیے گئے۔

رپورٹ کے مطابق اسلام آباد میں زلزلے کے جھٹکے محسوس کیے گئے جس کے باعث شہریوں میں خوف و ہراس پھیل گیا اور لوگ گھروں اور دفاتر سے باہر نکل آئے۔

وفاقی دارالحکومت کے علاوہ خیبرپختونخوا کے اضلاع مردان، شانگلہ، بونیر اور سوات میں بھی زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔

اس کے علاوہ مری کے علاقے نتھیاگلی بھی زلزلے کے جھٹکے محسوس کیے گئے۔

ابتدائی اطلاعات کے مطابق جھٹکے کچھ سیکنڈ تک محسوس ہوتے رہے، تاہم فوری طور پر کسی بڑے جانی یا مالی نقصان کی اطلاع سامنے نہیں آئی۔

زلزلہ پیما مرکز کے مطابق 27 اپریل 2026 کو صبح 11 بج کر 46 منٹ پر آنے والے زلزلے کی شدت 5.7 ریکارڈ کی گئی، جس کی گہرائی تقریباً 170 کلومیٹر تھی۔

زلزلے کا مرکز افغانستان-تاجکستان سرحدی علاقہ میں واقع تھا، جبکہ اس کے جھٹکے اسلام آباد، سوات، شانگلہ اور بونیر میں بھی محسوس کیے گئے۔

محکمہ موسمیات پاکستان کے مطابق زلزلہ گہرائی میں ہونے کے باعث اس کے اثرات وسیع علاقے میں محسوس ہوئے، تاہم اس نوعیت کے زلزلے عموماً سطح پر کم نقصان کا باعث بنتے ہیں۔

شہریوں میں وقتی خوف و ہراس ضرور پھیلا، لیکن فوری طور پر کسی بڑے جانی یا مالی نقصان کی اطلاع سامنے نہیں آئی۔